Monday, 18 November 2013

ಸಂಜೆಯ ತಂಗಾಳಿ, ತೇಲಿ ಬಂದ ಪರಿಮಳ, 
ಮುಂಗುರುಳ ನರ್ತನ, ಕೈ ಹಿಡಿದು ನೆಡೆಸುವಂತೆ...., 
ಇನಿಯಾನೊಬ್ಬನಿದ್ದಾನೆ!!

ಒಬ್ಬಳೇ ಕೂತಾಗ ಮನ ಸೋತಾಗ, 
ನೊಂದು ಕಂಬನಿ ಹರಿಸಿದಾಗ, ಬಂದು ಕಣ್ಣೊರಸಿ ನಗಿಸುವಂತೆ..,
ಗೆಳೆಯನೊಬ್ಬನಿದ್ದಾನೆ!!

ನನ್ನ ನಿದ್ದೆಯಲಿ ಬಣ್ಣ ಬಣ್ಣದ ಕನಸು ಚೆಲ್ಲಿ,
ಅವನ ತೋಳ ಚಾಚಿ, ಲಾಲಿ ಹಾಡಿ, ಮಲಗಿಸುವಂತೆ..,
ನಲ್ಲನೊಬ್ಬನಿದ್ದಾನೆ!!

ಸುಮ್ಮನೆ ಕೂತಾಗ ಮಾತನಾಡಿಸಿ, ಹೋದಲೆಲ್ಲಾ ಹಿಂಬಾಲಿಸುತ್ತಾ.
ಕೋಪ ಬಂದಾಗ ಸಂತ್ವನಿಸುತ್ತಾ, ಗೆಳೆಯನೊಬ್ಬನಿದ್ದಾನೆ,
ನನ್ನೋಡನೆಯೆ...ನನ್ನೊಳಗೆಯೇ ಅವಿತ ಒಡೆಯನೊಬ್ಬನಿದ್ದಾನೆ!!!

No comments:

Post a Comment